it is all messy

الاستجداء وحش .. خصوصا لما يكون المستقبِل ليه مش فاهمك ..ليه ميكونش الناس بتقرا افكار بعض ويكونوا هنا كل ما نحتاجهم ويقولولنا معلش ..مع ان دى اسوأ كلمة ممكن تتقال لما نحس بوجع بس كفاية وجودهم واحساسنا انهم فاهميننا من غير شرح كتير ..

البيت مهواش مترتب زى ماهو باين ..لأ فى شروخ كتير بس مش ظاهرة ..عامة زى الرتوش اللى الرسام بيرسمها عشان يدارى الغلط اللى كان فىا للوحة لما ايده اترعشت وهو بيفتكر موقف جرحه ..او وهو بيسمح دموعه وهو بيعيط عشان الرسمة فيها صورة حبيبته الى ميعرفش ازاى القدر باعد ما بينهم .. او هو بيضحك لحد ما اتقلب بيه الكرسى لما افتكر أد ايه كان غبى لما اتكسف يجيب ورد لمامته لباباه يضربه .. الفازات متكسرة ومتدارية جمب الحيطان المتشققة والبراويز اللى فيها ورد بمبى واحمر وبنفسجى واصفر متجرحة .. ومايلة .. والورق مرمى ع الارض والورد اللى كان منور فى يوم من الايام دبلان وناشف حتى لو ورقه لسه أخضر كأنه ابن امبارح ..بس أنا كويسة يعنى 

عن وشوشتى لنفسى وأنا خارجة من السلطان حسن وبقول: هو القدر هيفضل يسخر منى كتير لحد امتى ؟ وابتسمت ومشيت ..

عايزة ورد ..وميكونش ابيض ..

 الصورة لصوفيا لورين ..

عن المسجات اللى مش بتيجى والرسايل اللى مش بتتكتب وحبة الأمل اللى موجودين انهم هيكتبوا وييجوا ..

ما كفانى

أغار عليكَ من نفسى ومنك ومن زمانك والمكان..وان خبأتك فى عينى الى يوم القيامة ما كفانى ..

ولادة بنت المستكفى

وهل اكتفت كليوباترا الا اعندما اشعلت الحرب ما بين انطونيو واكتافيوس ..لم تكتفِ بحياة هادئة انما اثرت الحرب والمغامرة التى ربما علمت ثمنها فى وقت متأخر ولكن تلك هى ضريبة المجازفة .. وهل ستجازف تلك الطفلة بداخلى التى ما علمت المغامرة سبيلا الا فى كتابتها فقط .. هل ستترك الكوكب الوردى بلا رجعة لتصارع الحياة بلا سيوف ولامدافع ..فقط برقتها وجبروت طموحها ..هل سيظل منفذ الهرب الخلفى مفتوحا دوما ..أم سأُجبر يوما على المواجهة ؟ هل ستتمنى تلك الطفلة ان تعيش وحيدة مرة اخرى مغادرة ذلك المرفأ الذى ظنت انه منتهاها الاخير الا انه كان مجرد بداية للرحلة ..ومازال الشك يحيطها بهالته الصفراء 

فلا اجابات جاهزة ولا أسئلة سهلة .. فقط رحلة بلا وجهة ولا تذاكر ..

فى الجنة ..سأرى أمى ..وتلك قصة طويلة لا يعلمها سوى القلب ولا يحكيها الا لى فى كل ليلة يكون الحر خانقا يحتاج ضحكة كى يصير حانيا .. وفى ليالى الشتاء الماطرة التى لا يدفئها كوب الشيكولاتة الساخن .. 

 وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ إِنَّ رَبَّنَا لَغَفُورٌ شَكُورٌ

وحينها سينتهى الحزن وتنتهى الالام ويموت وجع الفقد وخوف الوحدة ويأس الخذلان ومرارة الاستجداء ..

وأن تعود بلا رفيق..هو أكثر ما يُخيف فى الطريق

وحدى .. كم تمنيت ان يكون هذا "الوحد"شخصا اخر يحيا خارجى كما يحيا بكل عنفوان وحيوية بداخلى ..يسمع ويتألم لبكائى ويكون موجودا فى الاحلام كما فى كل دقة وجع أو لهفة اشتياق او موجة شغف