عن ان عن بتسهل بداية الكلام
عن مواجهتى لنفسى قدام روقة الامتحان وانى كنت مقصرة جدا فى المذاكرة بس يا ما مقصرتش وصلت لفين ؟ غير انها هترسى انى هدخل نفس المجال اللى كنت عايزة ادخله قبل الكلية ...
عن ماما بمفهومها الواسع ..من الاخر اخر حد على وجه البسيطة دى فاهمنى ..أو حتى حافظنى
عن حلم السفر اللى بقى واقع فى خيالى
عن كمية الايجابية اللى بحاول اشعها فى وسط مجتمع اسود جدا
عن ان ربنا كبير اوى اوى اوى ومجرد كلمه واحدة هتخلينى انجح ان شاء الله عشان بس احسنت الظن فيه :)
عن ان ديننا بيدعو للتفاءل واحنا بندى لجناح البعوضة اكبر من حجمه
عن انى مقصرة فى حاجات كتييير
عن اليوتوبيا اللى بقضى احلامى فيها ..انا بعشق هناك على فكرة
عن انى مقررة انى مش هكون عادية ولو ادى الامر انى اتجنن جدا
عن ان ساعات الكتب مش بتفك اكتئابى
عن انى اصلا مش مكتئبة
عن ان فيه كلام كتير
عن انى لما بسكت يبقى فيه حواديت رايحة جاية فى دماغى
عن انى عايزة ادرس phonetics
عن الفرق بين "الدنيا" وال "حيييياة "
عن السعادة اللى هتكون فى الاخرة بس ..بس مهو ممكن نعيش سعداء حتى بالتعب اللى هنا .. ولا مش ممكن ..مش عارفة ..
ليست هناك تعليقات:
إرسال تعليق