سيجارة بتاعة

مش هبدأ الكلام ب"عن" بس هو الكلام كتير ومش هيكون مترتب ومش مفروض يكون مترتب ..

البوست ده هيكون مُسلى ..او كما أرجو 

ولو مبقاش مش مهم 

الكتابة ..سر لحياة ..احد انواع الصلاة فى رأيى ..أحد اكسيرات الحياة الابدية ..أقوى من الشيكولاتة فى كتير من الاحيان و أحلى من انك تحكى لحد مش بيفهمك ..الكتابة .. عشق من طرفين ..اه الورقة طرف ..بتحافظ على سرك ..بتفضل محافظة على كلامك حتى لو اتقطعت كذا حتة ..بتفضل تحبك سواء كنت كئيب أو مُشرق ..بتضنك وتبطبب عليك لو عزت أو تقعد جمبك ساكتة بعد ما سمعتك وتدعيلك فى سرها ..

بقيت لما مش بكتب بموت ..حرفيا بحس ان نفسى بيهدى وقلبى بيزيد ضرباته (طبيا صعب يحصلوا الاتنين مع بعض) بس ده اللى بحسه ..بحس ان فى واجب ورايا عشان اعمله ..فى كلام محتاج يتكتب فى اى حتة ..فى ورقة ..ع الفيس..تويتر ..نوت بوكّى ..او 

ما سواهم

واللى كتير ميعرفهوش ..ان الكتابة  أنقذت حياتى كذا مرّة ومازالت ..انا ممتنة لكل موقف خلانى اكتب وممتنة للموهبة وممتنة كونى بحب الكتابة ..وممتنة لكون الكتابة موجودة ..ده أعظم اختراع :)

جدّو ..النهاردة ذكرى وفاته ال13 ..انا أول مرة اكتب عنه ..السنة اللى فاتت عيطت لما افتركت انه مش موجود دلوقتى على الكوكب 

..كان هيساعدنى كتير واحتمال كبير كان هيفهمنى جداا

لما عرفت انه مات ..كنت صغيرة جدا ومكنتش مدركة معنى الموت ..بس اللى فاكراه انى انهرت شوية فى صمت .. معيتطش وكانت   

اول مرة اعيط السنة اللى فاتت .. 

 كان كل مفهومى عن موته ..انى مش هشوفه تانى .بس هيوحشنى وتناسيت بحجة انى صغيرة 

وتمر السنين وبيفضل فى حاجة غريبة تحصلى اما بفتكره بحس بدفا ..وندم انى كنت صغيرة ساعة اما مات وملحقتش اعرفه ..

كل اللى فاكراه عنه انه كان طيب جدا ..يمكن أطيب حد شفته فى عيلتنا ..وكان بيحبنى ويمكن كان من اول الناس القليلين اللى حسسونى بحبهم ده ..وكنت بحب اوريله انجازاتى 

واللى كانت بتنحصر فى كشاكيل المدرسة وما فيها من نجوم واستيكر ..

والمرة الوحيدة اللى اعتبرنى انى كبرت ادانى كتاب عن روبن هود ..مش عارفة مصيره ايه بس كان نفسى يفضل معايا ويكتبلى عليه اهداء ..

لمّا انزّل كتابى ههديه من ضمن الاحياء والاموات 

ليه .. وهتكون البداية :

الى من بعث لى بعد مماته حب الفلسفة والكتابة فى جيناته التى عبرت أمى لتصلنى وتسرى فى كل خلاياى ..شكرا اللى من كان غائبا بحضور رغبة عارمة فى حضوره ..علّك تراقبنى بروح ك جدى ..

جمعنا الله فى الجنة ..

الفاتحة على روحك اللى نفسى تكون فخورة بيّا 

السجاير ..بناءا على جنانى ..قررت اشيل قيود فكرية عندى تنص على ان المدخنين عندى ناس مختلفة بصورة سلبية ..قررت انسى التحفظات عليهم بكونهم مستسلمين ل"بتاعة" بتشوه جسمهم وحياتهم وعارفين ده وبيكابروا ..قررت اعاملهم عادى ..

واعذرهم لانى حسيت ان فى احد حيواتى كنت بدخن ..احساس حلو ان "بتاعة" تخلى يومك احسن ومش مهم بتضرك ازاى ..المهم بتبسطك ومش بتنتظر منك مقابل ..لا بتاخده اول بأول 

الولاد اللى بيدونّوا .. ههههههههه ..وجهة نظر عجيبة هحاول اغيرها بس للأسف من ضمن القوال اللى عايزة اغيرها (وحاليا فى طور اكتشافها لاجتثاثها من جذورها ) هى قولبتى للولاد ان هم المفروض يكونوا مش بيحكوا مش بيتضايقوا ..مش بيحسوا ..وان حسوا مبيينوش ..نفس نظرية ان "الاتش ار مبيعيطش" لأ بيعيط عشان بنى ادم ..وجوه كل واحد (ولد او بنت ) قلب قلب القلب قطعة زغبة لها قوام غزل البنات ..جزء مش بيظهره كتير بس دايما يا تاعبه يا اما بيخاف منه ..الجزء ده شايل فيه 

نقاط ضعفه ..طفولته الدفيتة ..رغباته اللى بيخاف يبوح بيها .. الحاجات الهبلة اللى بتفرحه ..وعلى رف عالى .

النوت بتاعته ..فى ناس يا بتكتب فيها يا اما راكنينها ع الرف ده بس بيبوحوا بطرق تانبة ..عشان كده تانى حاجة مهمة ..الولاد اللى عندهم مدونات ..انا مستغرباكوا اه والموضوع كوميدى اه ..بس وعد ..هتعود على وجودكوا ..والمجد ليكوا ..لستم وحدكم وافتكروا الاتش ار ممكن يعيط عادى يعنى .

about today's movie : my ex-supergirlfriend

there was a girl ..a super one actually ,,she had power, money and a very nice apartment with city view in the morning but beside all this there was only one more thing she wanted crazily ... to be loved .. if you get the message dude ! :D