والحلو بقى يا معلم انى حرفيا حاسة كأنى ضغطت على زرار يخلينى مبسوطة تانى بس النهاردة كان يوم قاتل بكل مافى الكلمة من معانى انا بكره الزحمة ..الحر بيموتنى .. كنت حاسة انى فى كابوس عمره ماهيخلص ..شكرا لقهوتك يا ماك ..أنقذت حياتى :)
وشكرا لحاجات تانية كتير ..شكرا لسيلانترو وجودك بس حتى لو مش بجيك بيحسسنى ان الدنيا فيها أمل عشان ممكن ادخلك فى اى وقت اكتئب فيك اكتئاب طويل الامد ..وشكرا يا ماك انت اللى بتنقذنى اما ميكونش معايا وقت اكتئب وبتبسطنى اما ميكونش معايا لا فلوس ولا صحبة ..وشكرا للقهوة انتى حبيبتى ..لأول مرة احس ان القهوة بتتكلم ..زى وشوشة الودع كده ..بحسها بتقولى متزعليش ..او اطمنى او مجرد تضحكلى وهى شايفانى مبسوطة .. أحلى مشروب فى الحياة وخصوصا مع السكر :)
شكرا للمترو :) انت اينعم مش مدلعنا بس ارحم من انى استنى فى اتوبيس لمدة ساااعة مبعملش حاجة فى الحياة .. وشكرا تمبلر .. شكرا عشان بتسمعنى لما بكون عايزة احكى ومتسمعش .. انت اللى بتفهمنى ..
الحمد لله كتيير اوى .. صوت كان بيدينى الطاقة ..فقد بالرغم من الوجود بجوار اقرب جوار.. الى متى سأظل كده ؟ الانسان دعيف
والبنات أضعف حتى لو بيمثلوا العكس ..ساعات بنحتاج نبطل جرى حتى لو السباق مخلصش ..
انا قدامى مش اقل من 100 سنة على ملاقى حد زى راء .. والصراحة مش عايزة الاقى زييها انا عايزاها تفضل موجودة ال100 سنة دول .. بحبنى وانا سهنة وعاملة نفسى مش فاهمة مع انى فاهمة كل كل حاجة ...منّى سهلة خيّى :)
بكره هيكون يوم حلو والناس هتيجى وهتتبسط وانا هكون منشكحة :D
امممممم :D
ردحذفايش بدك تقولي من كلمة " فاهمة كل حاجة ديه" :D
اصل المفهوم واسع كتيييييييير اوي.. بس عموما مبشكش ف ذكائك ولو لحظة
بكرة هيبقى يوم حلو ان شاء الله :)
ملحوظة : راء مبتحبش تمشي ، فمتقلقيش من ال 100 سنة الجايين